كان عدنا وطن اسمة العراق

يا أخواني قبل الحجي نتعوذ من الشيطان
وبنية صافية نبتدي ونسمّي بالرحمّن
ومثل عادات العرب اهلنه الجانو زمان
يبدون كل القصص بـ(كان يا ما كان)




كان عدنا بلد يسوى كل البلدان
إندار بيه الزمن وتغير العنوان
ملوك وثورات واحزاب
جرّونا من حرب لحرب وحصار بكل زمان
وتغير حال الشعب وأصبح شعب جوعان
وشكد ماتوا من القهر، وشكد هاجروا شبّان
والمهاجر يدوّر وطن، وَكْ وين الوطن يا فلان



* * *
يالْتنشد على الوطن، صار الوطن أوطان
أكراد وعرب وعجم ووياهم تركمان
كل واحد عنده علم ومغيّر الألوان
أقاليم ومجالس حكم، وجمعية وبرلمان
واسمك يا عراق اختفى، وظل بالكتب عنوان
وانّهب كنز الوطن وانباع بارخص الاثمان
والمصيبة انباع مو بس نفط، باعوا الانسان
قتل وتفجير وذبح، دم وأنقاض ونيران
وشعبك يصيح بألم ويحترق حزنان
واليعترض ينفني و(كُلُّ مَنْ عليها فان)
ــــــــــــــــــــــــــــــ

عاشت ايدج
بســــــــ كــــــــــــــــــــــــان ولا يـــــــــــــــــــــــــــــــزال عدنــــــــــــــــــــا وطــــــــن اسمـــــــــه الــــــــــــــــــــعراق
عـــــــــــــــــــــــــراقـــــــــــيةوأفـــــــــتــــخر
تحـــــــــــياتي

يسلمووووووو هبي عالرد
واكيد العراق باقي غصب عن الكل

thank you

هلة بيك منور الموضوع

شكرا عالموضوع الحلو حبي

احنه ما نقبل انو تكولون ماكو العراق اسمه انمسح بس العراق يبقى تاج فوك الراس وهذا مو عراقي الي يحجي على العراق هذا مو انسان هذا حيوان لا ما عنده دم علمود يحجي على العراق اني هسه هذا الحجي الي كلته علمود هذا العراق العزيز وكون انتو ما تقبلون تغيرون العلم العراقي هو العلم لعبه بيدهم انتو هسه بالنت اعترضو على العلم العراقي




عراقيه اني وافتخر بعراقي


اميره بغداد